|
|
Tao’y nilikha sa lupa,
Hinubog ng tubig,
Pinatibay ng hangin.
Mata niya’y sumilay
Sa agos ng panahon,
Hinagkan mapusok na pagbabago't
Nabingwit ng maling pag-unlad
Sinira ang bawat buhay na Iyong nilikha
Pumipiglas, pinipilit abutin
Nagniningas na apoy, nakakaakit, nakalalapnos...
O Allah, yakapin Mo,
Ibalik Mo ang tao
Mula sa lupa Mo nilikha.
Umaawit, lagaslas ng tubig
Mga agos ng buhay,
Nilason ang banal
Daloy ng pag-ibig Mo.
Bathala Iyong dinggin
Bulong ng pagkitil ng buhay.
Iligtas Mo ang tao sa tubig Mo inagapay.
TAO - mahalagang elemento't
instrumento ng pagbabago,
O Diyos, linangin Mo't hubuging muli
Anak Mong nakalimot
Yapusin at muling tanggapin
Pagsisising alay sa Iyo.
Damhin ang kalawakang ginagalawan,
Nauupos na paghinga't
Dahan-dahang kadiliman.
Patnubayan Mo, O Hari
Tao sa kan'yang paglalakbay
sa hangin Mo ay pinatibay.
Allah,
Bathala,
Hari ng lahat,
Aming Ama.
|
1
Tags
You must be logged in to add tags.
|
Writer Profile
Feyikemi
WRITING IS MY PASSION. I have always loved writing - both in English and Filipino.
I would like to believe that I have touched some people's lives with the feature articles and poems that I've written in the past. And I hope my future writings will affect many people.
I delve into the deepest and darkest areas of the human soul, where very few people deal with and many prefer to suppress.
My style is always to let out angst in a creative way.
I also write about love, joy, and inspiration and I'm looking at sharing them here.
|
Comments
You must be a TakingITGlobal member to post a comment. Sign up for free or login.
|
|
