|
زرعنا وبنينا فى الشمس اتهرينا
ماحدش شكرناولا طبطب علينا
ولا فكر يسلم ولا يمسك ايدينا
ولا يروى عطشنا ويبص فى عينينا
سيبناهم رجعنا رفضنا وعصينا
وقفنا برجوله والحق فى ايدينا
جم يجروا ورانا ويبوسوا فى ايدينا
قلنالهم كفايه اتبلوا علينا
وبضرب السيوط سكتنا وططينا
ورجعنا لعذابنا ودموعنا فى عينينا
وعشانك يامصر اسينا وعانينا
بنحبك يابلدى وده حقك علينا
ليه انتى يابلدى مش حسه بينا
ليه بس ياغاليه قلبك مش علينا
هو انتى قسيه وبتقسى علينا
ولا انتى رضيه ومش راضيه علينا
|
1
Tags
You must be logged in to add tags.
|
Writer Profile
mohamed ali
انا محمد على وشهرتى مجاهد شاركت فى معسكرات ولقاءات وندوات كتير جدا فى مصر منهم معسكر عمل دولى بمشاركة 17 دوله وهو المكان اللى كتبت فيه الشعر ده وبعض الاشعار اللى هانشرها هنا فى الايام القادمه برده واتمنى يكون عجبكوا انا معجب باشعار احمد فؤاد نجم وبحب اكتب بالعاميه
|
Comments
You must be a TakingITGlobal member to post a comment. Sign up for free or login.
|
|
